特別欣賞呢度既裝修同佈置
每個角落都有唔同既打卡位
近門口有店主創店既理念 真係好有heart
*Every BIG thing begins with LITTLE IDEA*
上到去好有放鬆既感覺 仲可以嘆番個甜品🥰
芝麻玄米茶蛋卷 $50
芝麻醬超濃郁😍戚風蛋糕好鬆軟
但啲cream就唔係好食得出玄米茶味
可能俾芝麻味蓋過左 不過啲cream好滑
入面仲有幾粒黑糖麻糬🤣口感十足
愛文芒紅茶芝士蛋糕 $52
蛋糕面就有啲芒果jam同cream
下面就係紅茶味既cheese cake
今次就食到好香茶味 芝士好順滑 餅底鬆脆
桂圓金萱茶 $44
桂圓味道有小小甜
茶味好清新 唔會太濃太澀
原來金萱茶可以幫助消化同吸油脂
岩哂食完甜品飲 消一消膩
伯爵波波冰奶茶 $48
用伯爵茶做成冰粒 再加入熱鮮奶
唔會好似平時啲冰溶左 就溝淡左杯奶茶
真係超級有心思同貼心 比例幾好 好好飲
