呼吸咖啡茶館 (已結業)

香港的CAFE俾人的感覺都係黑暗灰沈，特別在旺角的更是令人覺得烏煙瘴氣，但筆者來到呼吸咖啡茶館，才發現有旺角都有cafe可以出於污泥而不染。呢度環境明顯有悉心佈置，令人感覺柔和peaceful，裝飾擺設非常精緻，而且有一大個backstage，相信平時會有live band show或mini concert之類的文化活動。值得一提係佢既沙律，雜果沙律配上oatmeal同greek yogurt，d香蕉蘋果菠蘿全部都好新鮮，不膩不濟，凍凍地唔單止唔會令人食到飽而食唔落正餐，反而好開胃地好想快d到main course，筆者仲拎埋朋友個碗，食夠兩份添。主菜方面筆者點了個煙三文魚天使冷麵，擺設好靚，拼湊成花狀的煙三文魚令人捨不得破壞。平時坐餐廳都係食熱食，呢個冷麵來到的時候實在令人感覺特別。伴上香薰的煙三文魚，配以冷麵獨特的醬汁，食落口實在令人感覺又fresh又爽。當然如果可以多d煙三文魚同醬汁，食落就會更滋味啦。