GOGO Rock (已結業)

生日月份朋友就帶咗我嚟旺角呢間西餐廳到慶祝🥳呢間餐廳環境好舒適，位置都好方便，呢餐生日飯食得好開心🥰一嚟就見到佢哋啲生蠔好新鮮又肥美，我哋就單點左幾隻試吓。然後，我哋叫咗一個四道菜 dinner 套餐，而家做緊優惠只要like share 社交平台，本身$388嘅價錢即刻平到$288就可以食晒所有嘢，超級抵食🙌🏻首先會嚟咗精選頭盤沙律🥗食下沙律菜清吓腸胃先。跟住有個餐湯，原來係香濃雜菌湯，超香嘅菇味好濃郁。主菜方面，我就揀咗安格斯肉眼扒配薯菜，呢塊安格斯牛眼扒真係份量十足，勁大塊之餘又厚切，識落牛肉好煙韌，而且味道好香濃。朋友就叫咗另一款香草鹽燒斧頭豬扒配薯菜，佢話食落味道都唔錯，雖然係豬扒但係啲肉都唔會好乾爭爭，仲係會有肉汁鎖咗喺入面。最後仲會有埋是日甜品同餐飲，呢個價錢可以食晒咁多嘢，我覺得都算CP值幾高。