Lab Eat Bistro (豉油街) (已結業)

之前起樓下經過但唔知道呢間餐廳係食啲咩， 咁難得有朋生日，所以專登嚟試一試。餐廳喺旺角站同油麻地站中間，係雙站優勢，好方便。 而且餐廳有兩層，地下最主要作為接待，樓上嗰層主要裝修為黑色風格， 樓上應該仲有多層，但由於冇開放到，所以唔知係拎嚟做接待定係用嚟做儲物。因為朋友生日，所以決定豪食，叫咗唔少嘢食， 首先我哋叫咗個呢度最出名嘅牛扒，而部位揀咗肉眼三成熟🐮🐮。另外呢度嘅牛扒可以送有配菜，我哋就將佢升級咗做松露薯條。其次我哋叫咗個risotto嚟食，飯嘅軟硬適中，唔會太淋，而且risotto汁好夾過飯，上邊仲有一大隻蝦👍除此之外，我哋仲叫咗個前菜，一邊係有鵝肝，鵝肝醬，同埋法包， 用鵝肝醬搽入法包入面，再配上真正嘅鵝肝肉，味道好鮮甜🔥🔥另外我哋仲叫咗個甜品，呢度叫做糖蔥餅，但係我覺得似拿破崙多， 味道幾好食，兩塊嘅餅皮夾住cream，一凍一熱咁，口感好特別。