二少門 (已結業)

旺角真係好易搵食，尤其是搵高質嘅嘢食，依家應該係新加盟嘅首選😆😆👍👍👍朋友介紹試咗佢哋招牌嘅*海鮮濃蝦湯麵* 真係冇介紹錯！ 成碗麵嘅份量已經勁多，再配上鮑魚，糖心蛋，帆立貝，櫻花蝦等等，最出色嘅當然一定係個湯底，好入味，唔怪得我見個個都一定要點呢個，真係必食👍另一個主食，我哋就揀咗呢個， 牛寶寶蝦汁拌麵， 湯底有另一個小碗裝住，自己鍾意加幾多都得，又係超足料，有大大塊嘅清湯牛腩，慢煮牛肩胛， 蛋絲，糖心蛋，最鍾意嘅就係牛肩胛，好林，好入味，大大塊，超滿足❤️再叫埋小食，同樣出色！ 叫左椒麻鮮螺片，大大塊螺片，抵，啲汁係底，唔算太辣，好惹味！ 脆炸雞塊都好正，熱辣辣大大粒！ 啖啖雞肉，滿足我呢個食肉獸🤣🤣🤣🤣🤣