URBAN Cafe (彌敦道)

营业中

休息中

最近聖誕，大家去咗邊度玩！我就去咗Urban Cafe搵貓貓～之前都去開觀塘店，今次試吓去旺角店。除咗可以試吓新menu，仲可以識一啲新貓貓🥰。藜麥胡麻醬野菜沙律沙律菜好新鮮，食落好脆。藜麥份量多，健康！配上芝麻醬，食落酸酸甜甜，特別開胃。是日餐湯今日餐湯係白湯，好好飲！餐湯好creamy，好濃郁。裏面有粟米、煙肉等配料。芝士肉醬闊條麵闊條麵上佈滿蕃茄肉醬，肉醬份量足夠，可以撈曬成個麵，就算食到最後都唔會乾～闊條麵都幾濕潤，質地唔錯。煙火雞胸拉絲水牛芝士手工薄餅Pizza焗到金黃色，香噴噴，非常吸引。面頭嘅煙火雞胸片好香。睇相都見到Pizza有好多芝士，好邪惡😈！配埋蕃茄醬，酸酸甜甜，唔會膩。雙層朱古力蜜糖吐司配雪糕 $78吐司外觀超吸引。兩層吐司、兩球雪糕，加上大量cream，正！雪糕帶焦糖味。吐司搽滿Nutella，另外仲焗到表面香脆，食落外脆內軟，好好味！Oreo脆脆特濃朱古力 +$20Oreo脆脆朱古力沙冰 +$21兩杯飲品味道差唔多，最大分別就係一杯係沙冰，一杯係凍朱古力。飲品Oreo味濃，而且有好多Oreo碎。沙冰嗰杯面頭仲有cream😋。