長阪燒 (已結業)

位於旺角砵蘭街嘅長阪燒係一間充滿日式風格嘅日本餐廳，坐位有吧枱同卡位選擇。坐吧枱可以對住開放式爐端燒，非常好氣氛。食物方面亦有好多種類。生蠔四隻日本蠔好大隻肉厚，海水味較重。上檯之前清得好乾淨，夠凍保持到個新鮮度，食落隻當前菜就岩哂！同埋係即叫即開！梅酒食好野一定要叫杯酒一齊食，叫杯梅酒慢慢飲就啱哂啦！有兩粒梅子浸住，梅味更加出，仲一粒大老冰，慢慢飲慢慢融，味道會有變化。雲丹拖羅蓉山盛海量嘅拖羅蓉，塞滿成個口真係好滿足，配搭新鮮嘅海膽，鮮甜度爆燈。串燒活海鰻一串鰻魚有兩大舊，肉質爽脆一食就知新鮮，最重要嘅係無泥味，燒到魚皮嘅油出哂嚟，調味簡單更加適合。日本黑豚黑豚肉質夠哂保證，油脂量好多，所以豚肉味好濃。日本嘅豚肉真係特別唔同。沙追魚天婦羅盛盒天婦羅新鮮炸起，所以外面夠乾手，但同時沙追魚保持到裡面魚肉勁濕潤。唔會炸到乾哂，魚肉食落好滑。 另外仲有幾款蔬菜天婦羅，全部都炸得好有水準。安格斯肉眼扒呢個真係本人至愛，肉嘅熟度保持度牛肉嘅嫩滑，牛味都好重，配埋柚子鹽食風味十足，呢個size 兩個人食都夠哂，非常抵食