長阪燒 (已結業)

依間餐廳到處洋溢著日本氣息，以和風設計為主調，配上木系傢俱及日系裝飾，裝修華麗。門口掛上一排排清酒桶，一行入店會見到餐廳自家釀製既梅酒及日本燈籠，好有特色。店內環境寬敞，另外設有包箱位置，隱私度高又可以欣賞窗外景色；而吧枱位置就擺放了當天新鮮既食材及可以望住師傅準備食物。午市會提供一本半價menu，食物種類多，包括：壽司、手卷、麵類及小食等。除了半價食品，亦有供應唔同款既午市套餐～✨手握壽司❀ 赤蝦❀ 日本帶子❀ 花之卷❀ 北寄貝❀ 三文魚❀ 玉子✨火灸❀ 田樂燒三文魚❀ 芝士帶子❀ 日本芝士蟹棒❀ 浦燒鰻魚✨軍艦❀ 葱粒吞拿魚蓉❀ 三文魚子✨卷物❀ 吉列炸蝦卷做緊半價忍唔住叫左好多壽司。壽司飯係用赤醋整，酸酸地好開胃，飯粒家硬度適中，而且份量不多，唔洗驚食飯食到滯。壽司既用料好新鮮而且好足料。赤蝦好爽口彈牙，肉質鮮甜。帶子肉質飽滿，口感好嫩滑。三文魚火灸後充滿油香，田樂燒令三文魚味道更滋味，鹹甜適中。蟹棒幾鮮味，配埋焦香既芝士食好邪惡。鰻魚肉質都好滑，醬汁香甜。吉列炸蝦炸得好香脆，味道唔錯。當中最推薦葱粒吞拿魚蓉軍艦，吞拿魚蓉好軟嫩又新鮮，入口即溶，上面既芝麻粒更突顯其香味。⋆⋆⋆⋆