任食海鮮補充蛋白質🦞
今次仲唔增肌減脂？🤭之前無意中見到旺角有間海鮮火鍋放題，幾經辛苦終於搵到原來係依間！即刻打電話去訂枱🤣依間火鍋放題確實比一般放題價格高啲，不過絕對值得！因為啲海鮮真係好新鮮🤤有啲仲郁緊㗎！
❣️2.5小時 海鮮火鍋放題❣️ $398/ppl
唔同入座時間會有收費，可以睇返尾圖新餐牌✨依個價錢包雞煲、燉湯、刺身、海鮮盒、湯底、火鍋配料，岀餐都唔使等好耐🤣兩個半鐘係咁食，真係好飽飽🥰
3
💛芝士雞煲💛
落單嘅時候講咗想要雙倍芝士🤣作為芝士控嘅我又點會錯過雙倍芝味喎！第一啖係獻俾芝士嘅，奶香嘅味道令人無法抗拒🧀雞塊同芝士纏綿不絕，🐥又香又滑 唔食多煲真係對唔住自己🤤
🧡特式燉湯🧡
燉湯唔係次次一樣㗎，不過主打真材實料，係飲得岀嘅🤭依個係靈芝黑豆燉椰棗雞腳湯，飲到清甜嘅味道，啱啱食完雞煲再飲返啖湯，味蕾瞬間refresh！
🤍時令刺身🤍
是日軍艦有三文魚籽、吞拿魚蓉、海膽，新鮮好味，唔沾豉油仲食到原汁原味嘅感覺！🍣
💙超級海鮮盒💙
全部都好新鮮，海鮮盒入面除咗龍蝦都可以瘋狂追加😳龍蝦爽彈滑嫩，另外
海蟹爆膏好澎湃🤤鮑魚仲郁緊添！
❤️特色湯底❤️
湯底有辣有唔辣，今次揀咗蕃茄魚頭湯🍅味道酸甜開胃，唔怕太重口味蓋過海鮮鮮甜🍲
💜火鍋配料💜
選擇非常多，今次主打食海鮮🤭所以瘋狂追加咗好多次，另外都嗌咗啲平時少食嘅火鍋配料try try😛
原隻游水鮑魚-新鮮嘅鮑魚，口感爽嫩彈牙
臺灣白鱔皇-口感鮮美，魚肉香味撲鼻
本地海蟹-爆膏海蟹，味道鮮甜
新鮮魚鰾-剪開後再淥，口感滑溜帶煙韌
安格斯肥牛-粉嫩肉質、肉味香濃
牛骨髓-味道濃郁油香、口感滑嫩易入口
牛柏葉-新鮮爽脆，食上癮
爽脆豬天梯-其實就係豬口腔上顎，口感爽脆彈牙
2
鮮炸紫菜響鈴-浸湯後巨型響鈴口感鬆脆中帶鬆軟
豆腐包-吸湯汁一流，漲卜卜咬落去仲爆汁
依間海鮮火鍋放題整體質素真係好高，海鮮新鮮大份又抵食🤭食到好飽飽，性價比真係超高🤤飲品方面加20蚊就可以任飲，有興趣可以加埋呀！BTW記得save post，方便向店員查詢海鮮放題啦❣️
2
3
📍阿爺八鮮鍋
📍旺角登打士街43H號登打士廣場3樓
