僕之拉麵 (已結業)

自從豪華戲院執咗笠，附近就開咗勁多餐廳同埋小食店，好吸引人。今晚經過呢條街見到有間拉麵店有人排緊隊，於是我決定排隊試吓～叫咗特選炙燒叉燒拉麵，條炙燒叉燒好大條肥美，咬落去有陣陣嘅嘅焦香味，都幾香口，個人覺得呢個幾有特色。個湯底我揀咗濃湯豚骨湯，講個感覺都幾creamy，唔錯。朋友叫咗叉燒拉麵，佢就揀咗鹽味清湯，我都試咗一兩啖，清清地又幾好味😋如果覺得好重口味啲，側邊都有幾多調味料可以加☺️ 另外有個小食個人都幾鍾意，就係章魚小丸子，好脆口好味。