蟲二

营业中

休息中

呢度嘅環境好舒服，唔會一食完就即刻趕住埋單👍🏻好啱同朋友傾住計咁食！夜晚露天位置會開著柔和光嘅燈串，寧舍愜意。一汁三菜#清酒醬燒鰻魚鰻魚燒得啱啱好，肉質肥美飽滿，配上清酒醬汁鹹鹹甜甜嘅風味，正👍🏻#烤芝士漢堡扒伴海苔肉鬆平時食開嘅漢堡扒都係牛mix豬呢度就有埋雞肉！望落夠飽滿，食落有肉汁。加埋用火槍微燒過嘅芝士+醬汁😋肉鬆原來痴喺漢堡扒底部，加埋海苔，好豐富、滿足！食呢個一汁三菜呢度好有技巧😆員工會俾最佳食用嘅步驟板，跟佢嘅指示會食到唔同嘅風格&味道認真唔錯！值得一讚就算加入高湯，米飯都唔易爛，唔會變粥嘅口感👍🏻另外，欣賞呢個顏色非常吸引嘅蔬菜果凍！雖然有好多西蘭花、甘筍條、粟米芯…但完全冇食蔬菜嘅感覺好似氹小朋友食咁😆絕對係心機之作！#桂花麻糬もち傳統班戟呢個口感實在，飽肚感滿滿。內層仲有唔少嘅麻薯😋表面煮過嘅桂花醬真係份外清甜，連埋雪糕一齊食好夾！而且仲有唔少嘅水果，好開胃。呢度全部都係拼配茶，我就試咗其中嘅綠茶伯爵茶，伯爵茶會中和綠茶嘅澀味，唔錯！另外仲嗌咗呢杯蟲二調製飲品-百里香檸檬梳打消暑一流！最岩呢排悶熱嘅天氣。