韓牛韓式燒烤 (已結業)

喺火鍋放題集中地嘅旺角創興中心，環境座位都好寬敞，坐得都幾舒服。採用全自助嘅方式。冷盤泡菜沙律：除左有一般韓式嘅冷盤前菜外，竟然有刺身三文魚，希靈魚等，仲有海鮮冷盤添，入面有大大隻嘅青口，帆立貝等等。熱食炸物：熱食嘅款式比預期多，有泰式，中式，韓式等等。泰式有泰式炒青口，韓式有炒粉絲，中式有蘿蔔牛坑腩，燜牛尾等等。而炸物有蟹鉗，蝦片，薯餅，雞翼，吉列蝦等等。韓燒燒烤食物：食物種類繁多，大部分應該有嘅肉類都有。豬牛羊雞鴨海鮮一應俱全。而我自己最欣賞係牛仔骨同埋牛肉，佢哋醃得夠入味，同埋牛仔骨較大塊啖啖肉，唔會好似出面嗰啲得舊骨無肉嘅。甜品飲品：除左有一個裝滿晒小杯裝嘅奶凍，啫哩等等甜品嘅甜品櫃外，仲有雪條櫃，棉花糖機，朱古力噴泉，連軟雪糕機都有添。如果想食中式嘅都有豆腐花同埋涼粉。飲品方面有兩大個雪櫃，入面有汽水，茶，果汁，啤酒等一應俱全。