更多
2023-01-28
46 浏览
旺角 - 韓國菜之選今晚happy friday突然想食韓國菜雖知道尖沙咀韓國街好多選擇但感覺大多都好似好貴 同埋唔近地鐵站所以最後就搜索下旺角有咩韓國菜Openrice見到呢間「韓川」地方好似幾闊落 食物相都幾吸引 特別係個溫泉蛋帶子芝士烏冬 咁就吸引左我地去大概6點半左右去到 都有啲人已經坐低左但可能時間尚早 唔洗等位就直接入座店員比左3個餐牌 望落去唔算好多選擇但用手機落單 個app先show硒所有食物 原來選擇都幾多 火鍋 炸雞 烤肉 烤物 韓式小菜 石鍋飯 湯飯咩都有兩個人兩個胃 雖然好多都想試但驚食唔硒 (因為見到芝士炸雞有15件🤣)最終都係叫左3樣野試住先 1. 芝士炸雞2. 溫泉蛋芝士牛肉蓋飯3. 溫泉蛋芝士豚肉烏冬第一款黎到係兩碟前菜 每人一小碟係蘿蔔同泡菜 個人覺得泡菜係離奇地好食😂想refill但原來要比$15一碟 所以就算了第二款黎到係牛肉蓋飯 友人見到個賣相未食已經心心眼左餐廳比左枝醬汁自己加落去蓋飯度撈勻食以往用呢啲石鍋食飯 飯底都比較乾 甚至有飯焦但呢個飯比平時較濕潤 好似係煮飯落多左水咁但唔肯定係咪特登咁煮 因為佢係蓋飯個人都幾ok咁食 因為有時食太乾嘅
今晚happy friday突然想食韓國菜
雖知道尖沙咀韓國街好多選擇
但感覺大多都好似好貴 同埋唔近地鐵站
所以最後就搜索下旺角有咩韓國菜
Openrice見到呢間「韓川」
地方好似幾闊落 食物相都幾吸引
特別係個溫泉蛋帶子芝士烏冬 咁就吸引左我地去
大概6點半左右去到 都有啲人已經坐低左
但可能時間尚早 唔洗等位就直接入座
店員比左3個餐牌 望落去唔算好多選擇
但用手機落單 個app先show硒所有食物
原來選擇都幾多 火鍋 炸雞 烤肉 烤物 韓式小菜 石鍋飯 湯飯咩都有
兩個人兩個胃 雖然好多都想試
但驚食唔硒 (因為見到芝士炸雞有15件🤣)
最終都係叫左3樣野試住先
1. 芝士炸雞
2. 溫泉蛋芝士牛肉蓋飯
3. 溫泉蛋芝士豚肉烏冬
第一款黎到係兩碟前菜 每人一小碟
係蘿蔔同泡菜 個人覺得泡菜係離奇地好食😂
想refill但原來要比$15一碟 所以就算了
第二款黎到係牛肉蓋飯
友人見到個賣相未食已經心心眼左
餐廳比左枝醬汁自己加落去蓋飯度撈勻食
以往用呢啲石鍋食飯 飯底都比較乾 甚至有飯焦
但呢個飯比平時較濕潤 好似係煮飯落多左水咁
但唔肯定係咪特登咁煮 因為佢係蓋飯
個人都幾ok咁食
因為有時食太乾嘅飯/飯焦都幾熱氣
加埋啲牛 配菜都足料 整體個蓋飯唔錯
第三款到嘅係芝士炸雞
1 浏览
0 赞好
0 留言
炸雞黎到時本身未有芝士汁
侍應哥哥拎住碗芝士醬 係我地面前慢慢淋落去
以為會有咩效果 原來係無嘅 純粹就咁淋下🤣
炸雞其實係單骨雞翼 食落唔錯
雞翼雖然唔算大隻
但加埋其他野食 15件雞對兩個人黎講算多
食下食下會覺得係咁食雞 食極都未完🤣
最後就係溫泉蛋芝士豚肉烏冬
1 浏览
0 赞好
0 留言
芝士湯幾好 唔會太芝士太漏
烏冬有咬口 底下仲有好多粟米同芝士
豚肉正常 整體都好食
但兩個主食比較下 會喜歡蓋飯多啲
因為配菜多啲 口感豐富啲!
總括嚟講 今次嘅韓國菜用餐體驗不錯
三款食物連加一都係$360左右
呢個食物質素 加上環境都好坐舒適
旺角韓國菜黎講呢個都係好選擇!
最後問一句:會唔會返黎食?
會
回頭指數:🌟🌟🌟🌟🌟
0 浏览
0 赞好
0 留言
张贴