阿里郎熱狗棒 (已結業)

平時都唔太掂街頭小食，但某日比朋友拖左黎食肥仔野依間既雙重芝士棒  ($34) 幾正，新鮮熱辣即炸，拉到廿cm絲，又可以自己加醬料，極惹味😍食完之後整晚念念不忘，決定自己一個走去幫襯多次！之後試埋另一款甜既  ($38)，可能係我成世食過最漏既甜食😂😂平時好鐘意食甜野既我，都覺得滯到不能再滯。依條野係咩組成呢，就係 原條水牛芝士+一層好厚既炸oreo脆脆+滿滿既砂糖+肉桂粉，最後再淋上瀑布般嘅煉奶😳就咁聽落應該都想像到幾鬼濟，咁大碌野，小編食剩1/3條（圖中份量）已經投降😂勉強食完之後，第二日真係滯足成日，全日無食過飯但你話佢係咪難食，其實唔係，不過就嫌佢「極邪惡」得黎唔濃味。雖然口感幾好，但無論芝士定Oreo都好淡口，食完無乜滿足感但又要好飽咁。所以我建議依款真係要3個人share，每個人咬2啖都夠皮。