靚煲皇 (已結業)

今日突然之間好想打邊爐，同行既朋友就話不如試下旺角既靚煲皇小菜坊，聽聞食物 OK，而且價錢合理，所以就跟佢來試試。　一入到餐廳，光線充足，環境舒服！６點幾去到冇咩人，不過7點到就已經全full !!我地先睇睇個 menu，選擇多多，而且睇下個價錢，真係好合理，一 d 都唔貴。一開始，我地先點個冬瓜乾瑤柱湯底，真心覺得個湯好正，好鮮甜，而且瑤柱都唔少，好足料！　　先點左個 "手打四寶丸、百福豆腐"，手打四寶丸超級新鮮、啖啖都好彈牙，而且超大粒 =]而百福豆腐就出名嫩滑，打邊爐打得耐都唔會變黃/老！另外我地亦點左"豬皮"，感覺超乾淨，食落有超爽口既感覺！　 由於手打四寶丸好正既關係，我地亦點左個 "手打蝦滑" =]唔好講笑，裡面真係有好多蝦肉，有料到！同樣都好爽口，彈牙！打邊爐當然唔少得肥牛啦！不過對個肥牛有少少失望，因為有 d 難咬，而且有肥膏，同我想像中有唔同 >< 　 最後，真係要再讚多次個湯，瑤柱多，而且湯真係好甜，我臨走都要飲多碗先滿足！