影片
更多
2023-04-17
91 浏览
Y Dining📍旺角彌敦道703號金鑽璽1樓每次去旺角食飯，大家第一時間會諗到食咩呢？可以都係離不開任食、放題、打邊爐，如果話你聽旺角都有特色高質西餐食，你又估唔估到呢？@kumapig88 分享咗好幾次呢間餐廳，見佢一訪再訪，每次睇完都好想搵次去食下，呢日終於都同朋友搵到時間食晚餐啦！食物好食不在話下，我同朋友最欣賞嘅係老闆經營嘅態度，好多位都係由顧客角度出發，唔想大家食西餐只會諗起扒、意粉、沙律等，悉心安排一啲比較能夠令人留下深刻印象嘅菜式，非常有心思。老闆為人親切，上菜時亦會細心介紹每道菜嘅食用方法同烹調手法等，令我哋食之前都好放心，亦感受到餐廳嘅認真同熱誠！講真，西餐我哋都食唔少，的確好多時候都講唔出每一間有乜嘢特色，但就以今餐為例，無論係飲品定係前菜主菜都各有特色，滿足到打卡慾望嘅同時，享用到餐廳用心製作嘅美食，係一次好好嘅體驗。 💰$88牛油白酒汁煮蜆 🐚餐牌寫明煮蜆有10隻，每隻都非常飽滿，索晒牛油白酒汁嘅精華。重點一定要提及佢嘅蜆好新鮮，每隻都無沙㗎，仲食到少少海水味，呢樣一定要讚！ 💰$78炸魷魚鬚 🦑睇造型可能會以為係炸地瓜條或者炸薯條，但其實呢啲係炸魷魚鬚嚟㗎，
📍旺角彌敦道703號金鑽璽1樓
每次去旺角食飯，大家第一時間會諗到食咩呢？可以都係離不開任食、放題、打邊爐，如果話你聽旺角都有特色高質西餐食，你又估唔估到呢？
@kumapig88 分享咗好幾次呢間餐廳，見佢一訪再訪，每次睇完都好想搵次去食下，呢日終於都同朋友搵到時間食晚餐啦！食物好食不在話下，我同朋友最欣賞嘅係老闆經營嘅態度，好多位都係由顧客角度出發，唔想大家食西餐只會諗起扒、意粉、沙律等，悉心安排一啲比較能夠令人留下深刻印象嘅菜式，非常有心思。
老闆為人親切，上菜時亦會細心介紹每道菜嘅食用方法同烹調手法等，令我哋食之前都好放心，亦感受到餐廳嘅認真同熱誠！講真，西餐我哋都食唔少，的確好多時候都講唔出每一間有乜嘢特色，但就以今餐為例，無論係飲品定係前菜主菜都各有特色，滿足到打卡慾望嘅同時，享用到餐廳用心製作嘅美食，係一次好好嘅體驗。
[價錢 Price]
💰$88
牛油白酒汁煮蜆 🐚
餐牌寫明煮蜆有10隻，每隻都非常飽滿，索晒牛油白酒汁嘅精華。重點一定要提及佢嘅蜆好新鮮，每隻都無沙㗎，仲食到少少海水味，呢樣一定要讚！
[價錢 Price]
💰$78
炸魷魚鬚 🦑
睇造型可能會以為係炸地瓜條或者炸薯條，但其實呢啲係炸魷魚鬚嚟㗎，上面綠色一點點嘅係海苔碎，每條炸得金黃香脆，本身調味已經非常充足，但如果比食重口味嘅話可以點埋沙律醬食都得。除咗佢嘅份量好多之外，我哋仲食得到佢係用新鮮魷魚而唔係急凍魷魚去整嘅，平時食嘅魷魚鬚多數就真係幼幼一條鬚，但呢度每條都有手指咁闊咁粗，好食到一口接一口！
[價錢 Price]
💰$68
肉醬焗薯角 🍟
肉醬意粉就食得多啦，肉醬焗薯真係唔係常見，望到相都知道啲肉醬多到連薯角都差啲見唔到啊，可見其分量十足。佢嘅薯角唔會過粉過乾，好食！除咗肉醬，芝士味亦好濃郁，薯角本身嘅調味比較淡，配埋比較濃郁嘅肉醬一齊食啱啱好！
[價錢 Price]
💰$288
香草檸檬燒春雞 🐓
呢道菜就可見老闆嘅用心啦，佢好清楚食燒春雞的話，客人一定想先打卡，但如果剪碎晒上碟，唔係全隻雞上，影相又無咁靚，於是佢上碟嘅時候就會俾我哋影夠相先，再幫我哋將春雞剪成四件，啱晒我哋呢啲愛打卡之人。見唔見到尾部嘅香草？老闆分享，佢會喺出菜前燒香香草，咁由廚房一路行出嚟，其他嘅食客就會聞到好香嘅香草味，好有諗頭！除咗春雞，下面仲有好多配菜，例如椰菜花、薯仔、紅蘿蔔等等，雞肉同配菜都吸晒雞汁嘅精華，雞肉唔乾唔柴，非常值得一試。
[價錢 Price]
💰$238
海膽蟹肉意大利飯 🦀
呢個海膽蟹肉意大利飯成盤藝術品咁，鮮橙色嘅意大利飯係用咗海膽醬嚟煮㗎，上面整齊地鋪滿左一大堆蟹肉，仲有少少fish roe同caviar做點綴，真係靚到似畫！雖然份量唔算多，但海膽醬意大利飯非常creamy，配埋大大啖蟹肉一齊食，一大享受！
[價錢 Price]
💰$78
意大利芝士餅 🍰
呢款Tiramisu應該係餐廳最受歡迎嘅菜式之一，佢嘅造型同一般嘅tiramisu好唔同，既唔係蛋糕又唔係杯裝。老闆分享話呢款Tiramisu係即叫即做嘅，一次可以食到三種層次，中間係浸咗rum酒嘅手指餅，上下都唧滿咗foam cheese，淨係造型都已經一百分！就咁望可能會覺得上下層嘅foam cheese係好輕盈，應該係入口即溶，好似cream咁嘅口感，但原來佢口感都好厚重，奶味同芝士味都唔會過重，濃度剛剛好。浸過rum酒嘅手指餅索晒啲酒香，不過酒味偏濃烈，唔鍾意酒味嘅朋友可以酌量品嚐。
佢嘅份量其實都好大，兩至三人份食都夠，不過我哋食完都唔會覺得好甜好漏，淨係個甜品都足以令我哋再返嚟食！
[價錢 Price]
💰$108
The Smurf
朋友一見到呢杯Smoky Cocktail就話要叫嚟飲，佢入面有rum、malibu、blue curacao同少少鮮奶，造型真係有幾分似帶住大大頂白色帽嘅藍精靈！朋友大愛呢杯cocktail，因為整穿咗啲煙後，整杯飲品仍然帶有煙燻嘅味道，每啖都係享受。
[價錢 Price]
💰$78
士多啤梨Mojito 🍹
唔太好走嘅我當然揀咗杯Mocktail，佢係士多啤梨味嘅Mojito嚟嘅，個base同一般嘅Mojito差唔多，都係有青檸同大量薄荷葉，但我飲得到士多啤梨籽同少少果肉，相信係用新鮮士多啤梨加埋一齊沖嘅，成杯飲落唔會過甜好清新，非常refreshing！
张贴
