影片
更多
2021-06-26
31 浏览
之前睇雜誌見到有雞翼放題，原來而家Wingman都開咗喺旺角，今晚專程嚟試吓。呢度嘅雞翼放題有三款可以揀，最平三款口味$128已經有交易，10款口味只需$178，19款口味$250。除了放題外，亦有單點，或漢堡包可以選擇。不過嚟得呢度當然要挑戰一下自己可以食到幾多隻雞翼。我哋今日點左10款口味，套餐已經包任飲啤酒，汽水，和檸檬茶。90分鐘任食，每一隻味有四隻雞翼，每次可以點五款味。我哋第一round先食咗頭五隻味，分別有黑椒檸檬，蒙古燒烤味，泰式甜辣醬，紐奧良香粉，黑芝麻海鮮蜂蜜。每隻雞翼火候焗得恰到好處，鋪上滿滿嘅調味粉，各有特色。黑椒檸檬，上面鋪上檸檬酸粉，酸味非常突出，刺激味蕾。蒙古燒烤味和紐奧良香粉，兩者燒得非常，香口，味道相若，帶有燒烤香味，蒙古燒烤多了一份孜然嘅味道。泰式甜辣醬，鋪滿大量炸蒜，甜甜辣辣，香氣四溢。黑芝麻海鮮蜂蜜，雞翼嘅表面比較濕潤，甜甜地濕濕地，好開胃，一次過可以食幾隻。食完第一round 已經有7成飽，第二round 試埋其餘五隻味，有水牛城醬，死神醬，BBQ 咖啡香味，巴馬臣芝士蒜蓉味和田園風味。咖啡味幾特別，有若隱若現嘅咖啡香氣，巴馬臣芝士蒜蓉味非常惹
呢度嘅雞翼放題有三款可以揀，最平三款口味$128已經有交易，10款口味只需$178，19款口味$250。
除了放題外，亦有單點，或漢堡包可以選擇。不過嚟得呢度當然要挑戰一下自己可以食到幾多隻雞翼。我哋今日點左10款口味，套餐已經包任飲啤酒，汽水，和檸檬茶。90分鐘任食，每一隻味有四隻雞翼，每次可以點五款味。
我哋第一round先食咗頭五隻味，分別有黑椒檸檬，蒙古燒烤味，泰式甜辣醬，紐奧良香粉，黑芝麻海鮮蜂蜜。每隻雞翼火候焗得恰到好處，鋪上滿滿嘅調味粉，各有特色。
黑椒檸檬，上面鋪上檸檬酸粉，酸味非常突出，刺激味蕾。蒙古燒烤味和紐奧良香粉，兩者燒得非常，香口，味道相若，帶有燒烤香味，蒙古燒烤多了一份孜然嘅味道。
泰式甜辣醬，鋪滿大量炸蒜，甜甜辣辣，香氣四溢。
黑芝麻海鮮蜂蜜，雞翼嘅表面比較濕潤，甜甜地濕濕地，好開胃，一次過可以食幾隻。
食完第一round 已經有7成飽，第二round 試埋其餘五隻味，有水牛城醬，死神醬，BBQ 咖啡香味，巴馬臣芝士蒜蓉味和田園風味。咖啡味幾特別，有若隱若現嘅咖啡香氣，
巴馬臣芝士蒜蓉味非常惹味，有好香嘅蒜蓉味，仲有大量嘅芝士，而田園風味，表面比較脆口，帶有蔥花粒和蒜粉，呢兩份雞翼送啤酒一流。
水牛城雞翼紅卜卜，睇落好似幾辣，所以留返佢同死神醬最後先食，不過前者原來唔算太辣，偏酸嘅味道中和了辣味，唔食得辣嘅朋友都覺得容易入口。
最後挑戰埋死神醬，死神醬雞翼睇個樣已經覺得好辣，上面有一層厚厚嘅辣椒醬，仲有大量辣椒，呢度嘅Staff細心特意提醒我哋如果唔食得辣真係要慎食，果然，食咗第一啖，辣到紅都面晒，好刺激，啲辣係慢慢滲出來果種，鍾意食辣嘅朋友一定要試吓。最後encore多六隻雞翼，兩個人一共食咗46隻雞翼，下次可以挑戰埋19款味道。
张贴
