六丸(居食屋)日本料理 (已結業)

收工去左旺角同朋友買衫，順便要醫埋個肚，見倒依間餐廳門口好搶眼掛左一排燈籠好有日本feel,朋友又想食刺身壽司，就一於試下新餐廳！ 餐廳環境比人感覺係有年代感，有居酒屋嘅感覺。餐牌選擇非常多，最後我地叫左鰻魚卷、火灸左口魚邊壽司、火灸醬皇燒蟹棒壽司、大板燒(日本風）、三文魚刺身、岩鹽燒赤蝦、鐵板帶子牛油燒。三文魚刺身有10切，$70啫係平均7蚊塊十分化算。刺身件件厚切肥美，味道新鮮唔會有咩溶雪或者太瘦嘅情況，朋友最中意亦見倒好多客人有叫。壽司方面火灸左口魚邊真係要推介，好多油脂所以入口即化，加上火灸高香味更突出。另外鰻魚卷味道都好唔錯，壽司卷好大件仲要只係$50，性價比一流。鐵板帶子牛油燒上枱出晒煙咁，好有食慾。帶子唔係BB size亦有帶子香，加埋好足嘅牛油非常惹味。作為綠葉嘅雜菇非常好吃，唔太夠食想再叫一碟淨鐵板菇！其他食物都好唔錯，加上服務員好好禮貌，下次黎旺角會再黎幫襯！