阿四車仔麵 (已結業)

經過開旺角就粗粗地食個車仔麵做晚餐，呢間之前有食過，今次諗唔到食乜嘢餸好就試吓點左佢哋嘅招牌麵試吓，貪佢夠多餸又唔使自己諗😆個招牌面裏邊有辣魚蛋 辣魷魚 豬皮 豬大腸 雞翼尖 蘿蔔 滷水蛋 瑞士雞翼 豬紅，都算係大大碗又多嘢食。朋友就揀咗一碗有豬紅、豬皮、魷魚、炸魚腐嘅粗麵，我哋兩個都鍾意食辣所以都另外加咗辣汁同辣醬。而小食點左佢哋嘅麻辣牛柏葉、腩汁西生菜、炸墨魚卷。整體感覺係最鍾意食都係佢哋嘅麻辣牛柏葉，今次係第一次試，相比起西生菜都係20幾蚊，覺得麻辣牛柏葉性價比更加高！