四寶食堂 (已結業)

唔知大家係咪同我哋一樣，勁鍾意食茶記，特別係常餐🤣！見四寶食堂咁多人排隊，我哋就排埋一份試吓，點知真係有驚喜😱！無論係環境、賣相、食物質素都好過一般茶記，仲要樣樣嘢都勁大份，出名大食嘅我哋都食唔晒🤣至於立場方面，見香港解密話係有爭議🤔，但睇連登同佢哋社交平台講嘅嘢就應該係黃，大家可以參考下🥰.▪️喜哥蔥油豬扒煎蛋飯 $59▪️一上台嘩左一聲😱，塊豬扒好厚身大到橫跨成隻碟🤣，個面煎到好脆口，肉質肥瘦適中好嫩滑，再配埋蔥油甜豉油太陽蛋撈飯真係一流😍，咁足料嚟講真係好抵食，大推！▪️常餐 瑞士汁雞髀撈公仔麵+嫩滑炒蛋+丹麥牛油厚多士 $52▪️雞髀好滑好大隻😍，瑞士汁醃到好入味，個汁唔會太甜用黎撈公仔麵啱啱好。炒蛋好厚好香蛋味，份量仲要唔少，應該都有3隻蛋😱，多士好厚身搽咗薄薄嘅牛油，放啲炒蛋喺面一齊食好正🤤▪️邪惡咸蛋松露醬雞中翼 $48 (6隻)▪️嚟到嘅時候已經聞到好香松露味😍，雞翼係好似平時茶記食到嘅生炸雞翼，好香脆！仲加左好多咸蛋黃醬同黑松露喺面，味道又真係幾夾😳，如果怕膩最底都有小量沙律菜🥰▪️熱奶茶(跟餐)▪️茶同奶份量調較適中，茶唔會太澀，奶都好厚滑👍🏻