天心 (已結業)

申子係旺角The Forest開左間姊妹店，係晚市時段主打日式高級火鍋同日式料理🥰作為申子嘅姊妹店，質素絕對有保證😌店內充滿日式和風裝修，天花擺放日本布傘做點綴，加埋木系嘅餐具，比人一種好似去左古代日本嘅感覺🥳呢到嘅店員非常親切，會悉心講解餐牌上嘅重點美食，呢到嘅食料全部經過精挑細選，仲要係同日本當地縣政府合作生產再運送到港🫣客人可以食得安心又放心🫡.🍲塩味鍋 ($738/二人份)火鍋有四個款式可以撰擇，分別有廣島蠔香檳鍋、鮟鱇魚肝鍋、激辛湯同埋小編今次揀嘅塩味鍋🥳肉類方面可以揀雞或者牛。另外，鍋物會包埋一大盤雜菜盤，入面仲有油豆腐皮同年糕福袋添😜呢度最特別嘅就係食完火鍋後會提供一個芝士雜炊，店員會將二人份嘅白飯同三色芝士加入火鍋嘅湯底內，再經過攪拌後，芝士雜炊可以索曬火鍋內嘅湯汁，仲可以食到粒粒飽滿嘅飯粒，夠曬邪惡又滿足🤪.💰人均消費：～$400.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 3/5