影片
更多
2018-08-10
131 浏览
辛苦工作了一天，未放工已經諗緊食咩好。就想起朋友介紹的放題，好在早少少訂位，去到好快就安排到坐位。四周裝飾綠油油，好舒服，而我哋就安排了近卡位旁邊的枱。枱同枱之間有距離，唔會俾人聽到👂🏻傾計聲🤣相信每個人到餐廳都喜歡選卡位，舒服、有空間。放題餐廳都去過好多，依間都算幾多卡位，好明顯也著眼客人的舒適度，而不要求其加多幾張枱。雖然已經8點幾，但旁邊的卡位仍然滿哂。一開始首先當然係食刺身啦！佢地安排好貼心，有首輪刺身紙，即係可以優先處理😍！刺身有好多種類，我地只選擇了其中一半，特別喜歡原粒帆立貝、象拔蚌、螺肉及鮑片，好有驚喜，好鮮甜好煙韌！至於壽司，選擇有成幾張紙，而今次就試咗一系列嘅黑松露壽司。黑松露嘅香味加上三文魚同蝦嘅鮮甜真係唔錯！鐘意黑松露嘅朋友可以一試！本人就叫了黑松露油甘魚，口感好肥美。而小食方面，芝麻雞翼同炸蝦天婦羅真係唔錯，炸粉唔厚，入面嘅內質重好滑，而蝦就好爽口。雜菇表現就一般，味道較淡，唔太惹味。另外燒牛舌，肉質彈牙，燒得幾香，不過可以再乾身就重正，不過都無得同炭燒比啦！依度重有好多一人火鍋、拉麵等，而我就選擇了簡單嘅牛肉鍋，好正喔！另外，值得一讚就係飲品同甜品，選擇好多
一開始首先當然係食刺身啦！佢地安排好貼心，有首輪刺身紙，即係可以優先處理😍！刺身有好多種類，我地只選擇了其中一半，特別喜歡原粒帆立貝、象拔蚌、螺肉及鮑片，好有驚喜，好鮮甜好煙韌！
至於壽司，選擇有成幾張紙，而今次就試咗一系列嘅黑松露壽司。黑松露嘅香味加上三文魚同蝦嘅鮮甜真係唔錯！鐘意黑松露嘅朋友可以一試！本人就叫了黑松露油甘魚，口感好肥美。
而小食方面，芝麻雞翼同炸蝦天婦羅真係唔錯，炸粉唔厚，入面嘅內質重好滑，而蝦就好爽口。雜菇表現就一般，味道較淡，唔太惹味。另外燒牛舌，肉質彈牙，燒得幾香，不過可以再乾身就重正，不過都無得同炭燒比啦！依度重有好多一人火鍋、拉麵等，而我就選擇了簡單嘅牛肉鍋，好正喔！
另外，值得一讚就係飲品同甜品，選擇好多！連最新嘅白罐coke plus 都有！甜品有兒時回憶紅豆樂、大腳板、唧唧冰等等，當然重有唔同唧韓國雪條。但我真係已經飽到上心口，老闆娘竟然客氣到叫我帶走食😂
總體黎講，以這個價錢食到超過200樣食物，性價比好高，一次過試哂前菜，日本和食，韓式料理，燒物，炸物，甜品等⋯其中我覺得刺身較為出色，值得再戰！！
員工的服務態度很好，wifi竟然是快速，一邊玩一邊食都無問題
张贴
