花滿樓京川滬廚房 (已結業)

有時響旺角諗唔食乜都會上o黎呢到食，因為坐得幾好(如果訂卡位)，野食唔錯我由呢到開業食到依家，都叫做睇住佢地不斷變，有好有壞，今次點左一個二人餐以前呢到無餐食，金融海嘯後出現唔同o既set，點餐可以食到多幾樣野係幾好，而且比較係平左，二百幾兩人食到幾個course，選擇唔算少了。首先湯面我選擇雲吞雞湯，女友點左魚肚更，兩個都唔錯咁啦，如果有得點酸辣湯都好了雞絲粉皮都係食得最多o既頭盤，因為幾喜歡麻醬與雞絲青瓜絲及粉皮拌在一起吃。小籠包兩隻，呢到d水準唔算穩定，前期係比較好，一口一隻湯熱辣辣係最正，之後有一排唔知點解做到好大隻而且皮又時簿時厚，呢次算好番d，但望落都係一隻大一隻細主菜係無錫肉排骨及京燒羊肉，無錫肉排骨炆得很淋身，不過醬汁唔算太入，不過不失之作。呢到o既京燒羊肉係"賣飛佛"，一定係食得最多，羊腩肥瘦分明，外脆內嫩唔太油，配上秘制醬汁，食到唔停口，以為叫餐碟頭會細d，點知同平時一樣，好！最後係豆花同高力香蕉豆莎，兩樣甜度適中，豆腐腦香滑，而高力豆沙方面時熱騰騰的，適中o既豆沙加上蛋白及香蕉一同組合，口感一流，不會太heavy呢到好食o既幾多，今次講到呢到