吉壽日本料理 (已結業)

平日六點嚟到唔洗等位 即刻入得 店員好有禮招待 經過一大排自助飲品雪櫃同自助小食區就入到我地個位喇燈光充足 位置方便👍🏻👍🏻旁邊盞燈仲係一個小提琴 真係幾有型嗰本落單紙非常厚 內容都好多 壽司 手卷 刺身 熟食 小食 甜品都有 都幾吸引 上菜速度非常之快 話咁快啲嘢就黎曬啦 開頭以為啲嘢會好大件好快就飽 但原來每件都係細細舊的的式式咁就唔怕食多幾款啦刺身都非常新鮮三文魚好有油香 好食！連平時唔係幾食魚生嘅我都食咗好幾舊 呢度其他熟食都好好味 特別係呢個芝麻雞翼好香好脆又多肉仲有其他炸嘢都係新鮮炸起熱辣辣食到差唔多就可以去出邊個自助飲品區到攞嘢飲 有超級多款可以慢慢飲 仲有日本清酒同梅酒揀添當然唔少得甜品啦有好多細細件嘅蛋糕 味道都唔錯 仲有成個雪糕櫃嘅雪糕俾你揀