牛大人台灣火鍋吃到飽 (瓊華中心) (已搬遷) 新店位置

牛大人台式火鍋黎左香港開店都有一段時間成日full booking，今晚都終於book到檯，無理由唔叫個最貴既澳洲極上和牛餐豪食一番。湯底有9個款式選擇，剎時間好難決擇唯有揀最特色既台灣鳳梨雞鍋底，有D果香感覺清新之餘又融合鮮嫩雞隻餚製而成濃郁味道，完全唔會遮掩牛肉本身既原味道。打邊爐都要分工，我先掃QRcode睇菜單點餐，老公負責到自助區拎飲品、調醬汁、拼配料。亮點既瓶裝冷泡茶，邊食邊飲幾口桂花、白桃烏龍茶降温又解腻，啖啖茶香好清新！不過打邊爐都係要飲杯啤酒爽一爽，呢度都有手工啤酒，試杯流水落花，係American pale ale，充滿花香入口順喉清爽。醬汁選擇有D花多眼亂，當中既台灣腐乳醬、特調豬肉醬、台灣甜辣醬、洋蔥牛肉醬較特別，每款拎少少，為食物添加一份地道風味。和牛餐隨附每位澳洲M9和牛牛丸各2粒，一口咬下享受豐盈和牛肉汁、油香充斥口腔。極上和牛、SRF極黑牛、精選嫩牛系列都可以無限量追加，作為牛迷緊係重點食和牛、黑牛啦！極上和牛餐最正係澳洲和牛M5牛肩肉，牛脂分佈均勻，牛味濃厚夠肉汁安格斯牛小排，油脂呈大理石紋肉質鮮嫩手切封門柳，比機切厚身得黎有質感，油花較少但肉味濃。