影片
更多
2020-11-19
322 浏览
星期六冇野做，行下廣華街睇玩具，順便去食懷舊主題火鍋放題。個名幾cute叫火水爐！樓下正門都好有噱頭，仲係仿照舊戲院既設計，留意下個燈牌好搶眼寫住“火水爐丸線”🤣！沿樓梯行上一樓，就見到由火水爐砌出黎既圍欄。係呢度會揾得到好多昔日茶記既風貌，橙綠色筷子吖、茶壺甚至收銀機同地板，樣樣野都充滿老香港風味，夠晒玩味。先來個餐前小食打頭陣，係港式地道風味既炸魚蛋同炸燒賣，外皮少少油多多脆，可以食到完全跟街頭小食檔冇分別既原汁原味道。火鍋套餐主要有三種選擇同五款湯底配搭，緊係要黎個豪華D既澳洲雪花和牛配濃厚花膠雞湯鍋，滋補養顏之餘又夠濃郁鮮甜。用料真係好足，大大塊厚花膠加埋勁多鮮滑雞件同蘿白，湯頭又唔會成層黃油。未落配料之前先飲多幾啖花膠雞湯，骨膠原豐富又有雞汁精華，暖胃又有energy。放一片薄切牛頸脊入湯，來回拖幾下就食得，質感軟滑肉味相對濃厚堅挺，完全嘆到牛肉純鮮感覺。和牛肉層有雪花般既油花，入口啖啖誘人既牛油香氣，油份含量比岩岩好，唔會食到成口油。廣島蠔隻隻新鮮肥美有光澤，下湯煮至嫩白熟透，撈起仲係幾有彈性張力，味道鮮甜，細味一口鬆化外層蠔鮮一湧而出！香口脆炸既金黃魚皮更加唔少得，手快浸
個名幾cute叫火水爐！
樓下正門都好有噱頭，仲係仿照舊戲院既設計，留意下個燈牌好搶眼寫住“火水爐丸線”🤣！
沿樓梯行上一樓，就見到由火水爐砌出黎既圍欄。係呢度會揾得到好多昔日茶記既風貌，橙綠色筷子吖、茶壺甚至收銀機同地板，樣樣野都充滿老香港風味，夠晒玩味。
先來個餐前小食打頭陣，係港式地道風味既炸魚蛋同炸燒賣，外皮少少油多多脆，可以食到完全跟街頭小食檔冇分別既原汁原味道。
火鍋套餐主要有三種選擇同五款湯底配搭，緊係要黎個豪華D既澳洲雪花和牛配濃厚花膠雞湯鍋，滋補養顏之餘又夠濃郁鮮甜。用料真係好足，大大塊厚花膠加埋勁多鮮滑雞件同蘿白，湯頭又唔會成層黃油。未落配料之前先飲多幾啖花膠雞湯，骨膠原豐富又有雞汁精華，暖胃又有energy。
澳洲雪花和牛配濃厚花膠雞湯鍋
3 浏览
0 赞好
0 留言
和牛肉層有雪花般既油花，入口啖啖誘人既牛油香氣，油份含量比岩岩好，唔會食到成口油。
廣島蠔隻隻新鮮肥美有光澤，下湯煮至嫩白熟透，撈起仲係幾有彈性張力，味道鮮甜，細味一口鬆化外層蠔鮮一湧而出！
香口脆炸既金黃魚皮更加唔少得，手快浸一浸湯就食得，咬落仲有卜卜聲就知有幾正！響鈴細細卷索一索熱湯稍軟即食，豆香夾埋濃郁熱雞湯感覺簡直絕配！
雖然冇叫麻辣湯，但都要叫鴨血滿足下口癮，薄薄地切開幾片，煮熟左夠晒熱燙燙地入口，加埋少少雞油一齊食味道唔錯，輕咬感覺柔滑。內臟我比較鍾意食鮮鵝腸，腸壁既脂肪去得一乾二淨，更加唔會有一股內臟異味，煮熟左size唔會縮到細細條冇野食，牛柏葉同鵝腸係最佳火鍋孖寶，爽脆彈牙既程度有點驚喜，加少少蒜蓉食仲Perfect！
蔬菜籃可以平衡一下肉食後滯悶感，有金菇又有時令西洋菜，加埋莞茜既獨有香氣，湯既清甜度更上一層。
打邊爐嘆返口冰凍既檸樂，有氣之餘味道酸酸地幾開胃，飲落去透心涼。奶茶紅豆冰味道同樣做出港式茶記既味道，茶香醇滑粒粒紅豆起沙。
紅豆冰奶茶
3 浏览
0 赞好
0 留言
张贴
