御石燒

放工約左朋友去旺角,旺角地鐵站附近周圍都好多人,所以決定行遠少少去廣華街食飯,經過御石燒,見到門面好日式又幾新淨,價錢又唔貴,決定入去試下。

入到去鋪面唔大,但唔會坐得好迫, 日系裝修簡潔。餐廳用QR code 落單,同朋友叫左一人一個set,叫左一個燒肉set,一個吉列豬排set share。御燒特級牛小排 $158

牛小排份量都唔少,兩邊燒燒就食得,生熟可以自己控制,肉質嫩滑,都有牛味,唔錯。
另外要讚下店員細心,我地都無為意個爐冇火,但店員留意到主動過黎幫我地加。
上級吉列豬排 $95

吉列豬排賣相唔錯,炸到金黃色,上枱時候熱辣辣,咬落啖啖肉,唔會好柴,沾埋豬排醬汁幾好食。