阿久根和牛立燒店 (已結業)

行過旺角白布街，呢一帶都幾多野食選擇。今次就黎試一試阿久根和牛立燒店，百零蚊就可以食到日本A4和牛，性價比高，無論一人定兩人黎食都無問題👌🏻雖然佢叫立燒店，但其實係有位坐嘅。🔎 粒粒魚子青瓜（$8）青瓜食落爽脆，清新開胃❤️🔎 豐和牛二人盛（$388）二人盛包括：特選蔬菜、兩碗飯、牛肉（肉眼A4、西冷A4、牛舌、肉眼A5、西冷A5 、三角肋肉、雞胗同牛肋肉）。肉眼同西冷油脂分布平均，尤其係A5和牛，入口即溶。牛舌厚身，食落彈牙💕特選蔬菜包括生菜、冬菇、翠肉瓜同菠蘿。仲有生菜可以用黎包肉食，中和一下油膩感。