長阪燒 (已結業)

真係好掛住日本嘅爐端燒，所以同朋友去咗位於旺角嘅長阪燒食翻個dinner，滿足一下個胃！餐廳環境唔錯，分別有吧枱位同埋卡位，吧枱位可以欣賞師傅處理食材，而我哋就比安排坐卡位，十分適合朋友聚埋一齊傾吓偈飲下酒！我哋兩個人叫咗四隻生蠔、一份雲丹天婦羅、兩隻特大虎蝦、黃花魚一夜干、雞髀肉串燒、豚肉蘆筍串燒、清酒煮蜆、溫泉蛋沙律同埋一杯梅酒。西班牙生蠔呢款生蠔完全唔腥，食落仲有鮮甜嘅味道，肉厚肥大，就連平時唔食生蠔嘅我都覺得好味，十分推介呢個！雲丹天婦羅呢款雲丹天婦羅，入邊係鮮甜嘅海膽，外邊脆卜卜，味道幾好！特大虎蝦呢款鹽燒虎蝦大大隻，肉質彈牙，蝦迷不要錯過！黃花魚一夜干黃花魚外皮烤得好香脆，但係肉質仍然保持嫩滑，唔錯唔錯。雞髀肉串燒、豚肉蘆筍串燒串燒當然係我最愛，雞髀肉燒得啱啱好，肉質都幾嫩滑，而豚肉蘆筍串燒呢個配搭都幾好，配埋蘆筍一齊食，唔會太油膩，感覺幾新鮮！清酒煮蜆太大隻蜆肉配上清酒，清酒嘅酒香配上鮮甜嘅蜆肉，真心正！