影片
更多
2022-07-19
1137 浏览
作為火鍋控鍾意烚下烚下，好多時未必單純為美食，更多時候係因為喜歡同朋友圍埋係火爐邊、高興熱鬧地享受美酒佳餚。因此挑選適合大家聚會既火鍋店從來都唔容易。首先地點要就腳，方便由唔同地方趕過黎既朋友、餐廳環境要闊落舒服、用餐時間要充足、食材要新鮮款式多質素當然要夠高、服務水平亦都好重要。近期個人心水會推薦旺角既Canton Pot，佢係其中一間能夠滿足哂以上所有條件既高質火鍋店。.鍾意約朋友黎呢到首先因為餐廳距離旺角港鐵店不遠好就腳。除左大廳位置外，佢地有好多間大大小小適合不同人數既私人廂房，打邊爐有獨立空間，聚會時就唔怕打擾到其他客人。加上呢到既食材同鍋底頗為有特色，經常有新菜單上場亦係令人定期回訪既原因之一。.今次試左佢地全新既盛夏火鍋餐單，食材高質豐富：.火焰龍蝦膏蟹煲 💲598⭐️4.2/5「火焰龍蝦膏蟹煲」係席前烹調。首先師傅係大家面前將洋蔥、蘑菇、番茄、蔥同蒜頭以牛油爆香，再放入新鮮龍蝦同埋膏蟹，加上玫瑰露酒後再點燃火焰。大火將酒精揮發後，玫瑰露香氣四溢，酒香撲鼻。龍蝦同膏蟹肉質肥美多膏，新鮮程度毋庸置疑。食完海鮮，再品嘗湯頭，最後加入高湯打邊爐。經過牛油爆香既配料加上新鮮海鮮熬制
.
鍾意約朋友黎呢到首先因為餐廳距離旺角港鐵店不遠好就腳。除左大廳位置外，佢地有好多間大大小小適合不同人數既私人廂房，打邊爐有獨立空間，聚會時就唔怕打擾到其他客人。加上呢到既食材同鍋底頗為有特色，經常有新菜單上場亦係令人定期回訪既原因之一。
.
今次試左佢地全新既盛夏火鍋餐單，食材高質豐富：
.
火焰龍蝦膏蟹煲 💲598
⭐️4.2/5
「火焰龍蝦膏蟹煲」係席前烹調。首先師傅係大家面前將洋蔥、蘑菇、番茄、蔥同蒜頭以牛油爆香，再放入新鮮龍蝦同埋膏蟹，加上玫瑰露酒後再點燃火焰。大火將酒精揮發後，玫瑰露香氣四溢，酒香撲鼻。龍蝦同膏蟹肉質肥美多膏，新鮮程度毋庸置疑。食完海鮮，再品嘗湯頭，最後加入高湯打邊爐。經過牛油爆香既配料加上新鮮海鮮熬制而成既湯頭，鲜甜味美。不過因為要保持食材新鮮，呢個鍋底每日供應量有限，想試最好早點預訂。
.
「珍寶海鮮匯」海鮮拼盤 💲498
⭐️4/5
叫左二人份既海鮮拼盤，拼盤集合多款名貴海鮮，包括：南非四頭鮑魚片、愛爾蘭蟶子皇、超大隻日本元貝同埋瑤柱鮮蝦滑。海鮮份量大絕不欺場，全部係珍寶級數，特別係日本既帆立貝同蟶子皇，帆立貝尺寸有半隻掌心咁大，味道濃郁。鮑魚片輕灼後爽口彈牙，真係人間美食。
.
「牛一快樂」火鍋蛋糕 💲668
⭐️4.1/5
口味由淡到濃，食完海鮮就開動呢客擺盤打卡靚靚既新品「牛一快樂」火鍋蛋糕。呢個砌到成座蛋糕一樣咁靚既和牛之塔，上層係A5級鹿兒島薩摩和牛、中間係本地新鮮牛頸脊，下層係美國牛頸脊。頂層和牛質素極高，油脂分佈平均，入口即溶。中間係本地新鮮牛頸脊牛味極濃，係個人最愛。呢個火鍋牛蛋糕仲有個生日快樂牌仔，感覺好新穎。
.
「純素的愛」 💲98
⭐️3.8/5
食得多肉需要蔬菜做平衡。有牛蛋糕之外佢地仲有蔬菜拼盤蛋糕，適合素食朋友慶生。素菜拼盤用挑空既南瓜做基座，蔬菜依顏色排得靚靚，中間有花生芽做生日蠟燭，創意同誠意滿分。
.
蘆薈柚子梳打 💲48
紅棗鐵觀音凍飲 💲48
夏日特飲揀左梳打同鐵觀音，消暑解渴。
.
總結：係網上平台訂位有優惠，假日午市到訪除左火鍋外其實仲有粵式點心供應，有機會真係要試埋。
.
不專業食評 nei.foodie
火焰龍蝦膏蟹煲
37 浏览
0 赞好
0 留言
火焰龍蝦膏蟹煲
34 浏览
0 赞好
0 留言
火焰龍蝦膏蟹煲
26 浏览
0 赞好
0 留言
「珍寶海鮮匯」海鮮拼盤
30 浏览
0 赞好
0 留言
「牛一快樂」火鍋蛋糕
47 浏览
0 赞好
0 留言
「純素的愛」
25 浏览
0 赞好
0 留言
「珍寶海鮮匯」海鮮拼盤
19 浏览
0 赞好
0 留言
火焰龍蝦膏蟹煲
15 浏览
0 赞好
0 留言
火焰龍蝦膏蟹煲
18 浏览
0 赞好
0 留言
火焰龍蝦膏蟹煲
10 浏览
0 赞好
0 留言
蘆薈柚子梳打 紅棗鐵觀音凍飲
15 浏览
0 赞好
0 留言
张贴
