月．火鳳燒鳥 (已結業)

有約約咗朋友喺旺角食飯，朋友話想食日本野就搵咗一間居酒屋食飯，依間居酒屋嘅裝修好特別睇落好似新開咁樣，餐廳雖然細細地但係咁樣就可以同師傅有更多嘅交流，一邊飲下酒食下串燒都幾正一開始就叫左一個和風沙律，配左一個甜甜嘅醬汁食落去好開胃然後刺身方面我哋就揀咗幾款比較新鮮嘅刺身選擇，有油金魚、帆立貝、拖羅，刺身嘅水準非常之高，特別係拖羅同埋帆立貝非常之新鮮仲要係好厚切食落去嘅口感好正同日本水產市場食到嘅質素一模一樣係師傅嘅介紹下我哋叫咗一支清酒，一支清酒嘅味道非常之容易入口，就算平時唔太飲酒嘅我都飲咗好幾杯炸物同埋串燒我哋都叫咗幾款，首先就叫咗豚肉秋葵同埋雞軟骨，睇住師傅即刻燒俾我哋食真係花心機而且好細心，調味亦都做得好好配埋特製嘅岩鹽食落去好正然後我哋仲叫咗炸蠔炸粉非常之薄而且好味好鮮甜肉質亦都好creamy 最後仲叫咗一個牛脷豆腐鍋做結尾，飲埋個湯同埋豆腐就真係好飽啦