滾喜火鍋專門店 (已結業)

同朋友路過旺角女人街，發現開咗一間新嘅火鍋店，凍凍地不妨一試，因為冇特別期望，但真係有驚喜。呢個芝士雞煲真係好好味，店員特別推介用三種芝士配搭，芝士味有層次感，係我食過最好食嘅芝士雞煲。皮蛋芫茜湯，普通的一款湯，但因為足料，比一般火鍋店味道好，店員話湯底係煲足六個小時，係真正老火湯底。手打五寶丸，自家師傅手打，必試。黑毛豬真係估吾到係女人街有一間咁地道嘅火鍋店，自家制每日煲湯底、手打丸。通常係中環，尖沙咀中上火鍋店才有。問過店員先知原來係新店才開業兩個星期，老闆對出品有一定要求。旺角區有呢類火鍋店，真係一個驚喜，希望能繼續保持呢種對食物嘅要求，我下次一定會再試