菜菜鍋(犇.石燒) (T.O.P This is Our Place) (已結業)

今日嚟到MK新地標T.O.P This is Our Place行街，發現真係開左好多鋪頭同餐廳好旺場，行街行到咁上下攰攰地於是揀左呢間日式火鍋放題試下。呢間新店嘅任食分為4級，價錢當然唔同，我揀左個平平地嘅上等牛肉+豚肉任食嘅set，但如果想任食海鮮嘅話，亦都有貴少少嘅set可以揀嘅。呢度嘅打邊爐係我最鍾意嘅一人一鍋形式，乾淨衛生每個鍋都可以揀兩種不同湯底，我同朋友今次就揀左分別壽喜燒、蕃茄、豬骨醬油、海帶呢4種湯底，其實仲有一種香辣一種每月不同嘅特色湯底，不過我今次就無揀到。我自己就比較鍾意壽喜燒同埋蕃茄湯底，壽喜燒湯底清澈而味道濃郁，蕃茄湯底就落足料非常有蕃茄味，兩隻我覺得都非常之好。我今次揀嘅上等牛肉+豚肉set，質素都相當唔錯，牛肉嘅脂肪分佈都均衡，無論係牛肉同豬肉都切得好薄而且肉質好嫩，只要放入湯中一陣間就可以食用，而且唔單止係第一輪，而係之後再refill嘅幾盤質素都相當一致，感覺非常抵食！除左本身點嘅set嘅肉類(&海鮮)有得任食之外，放題當然係會有一個自助區畀客人自由選擇，自助區主要放嘅包括蔬菜、丸類、醬料、飲品、雪糕等等，其中仲有3款特色手打滑，味道唔錯，嚟到嘅話記