八鍋堂．中日火鍋專門店 (已結業)

話說哩間八鍋堂又幾盞鬼，融合火鍋同放題，係中日餐廳。我自己就中意食放題，男朋友又中意打邊爐，哩間野真係我地嘅明智之選！講下佢放題方面，算係多選擇，而且刺身好鮮甜，尤其愛佢嘅三文魚，切得唔會太過厚身，唔會咁易食濟咗，厚薄啱啱好，我真係食唔停口。仲有熟食，雞翼同埋雞肉串真係好好味，等唔切打邊爐嘅野食真係要食住哩啲熟食頂下癮先！火鍋方面都好正！佢哩度最多可以叫四種不同口味嘅湯底，真係唔洗驚有人食辣又有人唔食得辣，一人一口味都仲得！哩度嘅肥牛都係非食不可，肥瘦適中，好正！仲有得叫海鮮！蝦一定要試，非常鮮甜！除咗寫單叫野食之外，佢仲有自助區，可以自己岀去拎丸類菜類，任食！野飲都算係多款式，不過甜品就更岀色！好多cake同雪糕！見到即刻心心眼！尤其係藍莓芝士蛋糕！我最愛呀！下次同一大班朋友食飯真係要黎多次！幾正！