大瀛喜日本料理 (已結業)

心血來潮想食放題，就拉咗個朋友一齊嚟大瀛喜，主要貪佢夠方便，一出地鐵站行多兩步就到。我哋提前十分鐘去到，估唔到佢哋排隊入座既客人已經排到去lift口。一坐低之後我朋友就叫嘢食，我就出去拎飲品。飲品都幾齊全，凍既、熱既、有酒精既基本上應有盡有。地方都算闊落，拎野食唔驚撞到其他人。刺身方面，啲食材都幾新鮮。我地叫左既赤蝦&虎蝦特別鮮甜。芝麻雞翼無令我失望，炸得外脆內軟，啲肉夠粉嫩。吉列炸蠔，一咬落去，蠔既汁咇晒入口腔，值得一試。海膽手卷同埋鮑魚仔手卷都整得好精緻，可以一啖吞落肚。鵝肝壽司嘅油脂香味同壽司幾夾，食落唔會太膩。龍蝦沙律多士同埋鰻魚玉子燒都係酸酸甜甜，食落更加開胃。蒜蓉扇貝連埋醬汁一齊烤，帶出蒜香同扇貝嘅鮮味。羊鞍幾淋，食落又唔會太騷👍🏻牛舌都唔錯，但佢哋嘅牛柳粒更加有驚喜。佢啲牛柳粒特別有咬口，蒜香味又正，忍唔住一粒一粒咁食晒。黑松露赤蝦壽司，既有蝦既鮮味又有黑松露獨有香味，層次分明😋佢地甜品都唔少，可惜我食得太飽，最後只係食左呢款迷你朱古力蛋糕批，份量夠細亦唔會太甜😂