影片
更多
2022-09-01
39 浏览
旺角新開嘅西餐廳，樓高三層，環境都好舒適，慶祝生日會有即影即有，同白酒送，可以留意下OpenRice優惠。食物質素ok，小食一般，但主菜幾好食，甜品都ok夠曬氣氛！🍴媽咪炒蟹 $128 (5/10) 另收加一 軟殼蟹炸粉比較厚，炸得比較乾身，個蟹質感麻麻地好似雪藏咗好耐咁，唔係好食到蟹嘅味道同埋質感，味道都係有少少似椒鹽媽咪麵味，媽咪麵碎好鹹，真係唔使落味粉。🍴鵝肝二重奏 $168 (6/10) 另收加一 鵝肝燉蛋食落去都creamy，但唔係好食到有鵝肝味，感覺似鵝肝醬或者雞肝醬嘅味道，輕微有內臟嘅味，咁個多士都香脆。煎鵝肝就夠大塊，嫩滑有鵝肝味，反而淨係鵝肝就唔錯。🍴火炙長骨蝦海膽醬櫻花蝦意大利飯 $248 (7.5/10) 另收加一 幾香濃海膽嘅味道，飯嘅口感軟硬適中，都夠creamy，蝦肉都半生熟都幾鮮甜嘅！個飯都好食！🍴伊比利黑毛豬扒 $268 (8/10)另收加一 煎到七成熟，肉質好嫩滑好香，有肉汁，食到有豬嘅香味，真心好好食！配菜都ok，薯角比較濕同油，蕃茄都有煎香過。🍴懷舊糖蔥餅拿破崙 $78 (7/10) 另收加一 係士多啤梨加忌廉，酥皮好香脆，雖然未有牛油香但都夠曬甜
🍴媽咪炒蟹 $128 (5/10) 另收加一
軟殼蟹炸粉比較厚，炸得比較乾身，個蟹質感麻麻地好似雪藏咗好耐咁，唔係好食到蟹嘅味道同埋質感，味道都係有少少似椒鹽媽咪麵味，媽咪麵碎好鹹，真係唔使落味粉。
🍴鵝肝二重奏 $168 (6/10) 另收加一
鵝肝燉蛋食落去都creamy，但唔係好食到有鵝肝味，感覺似鵝肝醬或者雞肝醬嘅味道，輕微有內臟嘅味，咁個多士都香脆。煎鵝肝就夠大塊，嫩滑有鵝肝味，反而淨係鵝肝就唔錯。
🍴火炙長骨蝦海膽醬櫻花蝦意大利飯 $248 (7.5/10) 另收加一
幾香濃海膽嘅味道，飯嘅口感軟硬適中，都夠creamy，蝦肉都半生熟都幾鮮甜嘅！個飯都好食！
🍴伊比利黑毛豬扒 $268 (8/10)另收加一
煎到七成熟，肉質好嫩滑好香，有肉汁，食到有豬嘅香味，真心好好食！配菜都ok，薯角比較濕同油，蕃茄都有煎香過。
🍴懷舊糖蔥餅拿破崙 $78 (7/10) 另收加一
係士多啤梨加忌廉，酥皮好香脆，雖然未有牛油香但都夠曬甜味，搽咗好多糖漿同糖粉，個甜度都幾似糖蔥餅嘅，但未食到糖蔥餅嘅味。做到千層效果，忌廉都香滑，有少少奶香味同甜味，都ok嘅！白朱古力都幾香唔會太甜。
推薦指數: 7/10
前菜一般，主菜幾唔錯，坐得都舒服，不過平日就收10點，9點半就催大家走。
张贴
