八幡屋涮涮鍋 (已結業)

今次同朋友下晝去咗旺角食火鍋店，餐廳位於瓊華中心，由地鐵站行過去2分鐘已經到達，非常方便。肉類方面有四款選擇，價錢由$200到$400不等，我哋揀咗澳洲M5和牛刺身海鮮之盛宴，呢個餐係150分鐘嘅任食放題。呢一個餐唔算話最貴或者最平，價錢中等，入面包括澳洲M5、牛肩胛、美國進口牛肉、黑豚肉、豚腩片。M5牛脂肪分布都唔錯，其實好重牛味，好香濃！除咗肉類，套餐當中亦包括刺身＋壽司+海鮮＋自選肉類＋燒物＋揚物自助吧任食＋清酒任飲。我就鍾意熱辣辣嘅天婦羅，口感香脆鹹香十足。燒物都好入味呢！湯底方面我哋選擇左骨膠原豬骨湯，味道清清地，少少鮮甜，食到食材嘅鮮味。另外亦都有得選擇壽喜燒、沙嗲湯、昆布清湯等等。可惜不過我哋就冇訂枱，依家睇返先知原來網上預約可以買一送一🥲經網上預約 4人 送鮑魚+生蠔，就算係普通兩個人預約都有得送鮑魚😂如果大家去試吓的話記住要訂枱啊🌟📌八幡屋涮涮鍋 (旺角)旺角彌敦道628號瓊華中心12樓旺角E2出口 步行約2分鐘