泰金鍋

营业中

休息中

旺角泰式邊爐任食 冬陰功湯底高CP值平時台式火鍋就食得多啦，今日懶惰二人組去咗食泰式火鍋。「泰金鍋」位於旺角創興廣場，地理位置都方便。懶惰兩人組今次就叫咗澳洲M6和牛套餐用餐時間有120分鐘我哋叫嘅係冬陰功湯底，另另外仲有一啲特色嘅泰式湯底，例如冬陰功，青檸？？？？等等個湯底真係好夠味！雖然佢有兩條辣椒，但係唔辣嘅。不過即使佢唔辣，但係用呢個湯底嚟打邊爐都好味同特別！平時懶惰打邊爐醬汁真係唔可以冇㗎，不過今次係我基本上都唔需要點醬汁。順帶一提，自助吧有幾款唔同嘅泰式醬了，全部都超級好味。自助區有得夾活蝦黎打邊爐啲蝦都幾大隻，有啲仲幾生猛捉蝦嘅時候，記得要將隻蝦放入冰筒啊，放入冰筒後最好夾實佢一陣間！如果唔係佢會跳出來㗎除此之外，自助餐仲有好多泰式食品，例如配咗泰式醬汁嘅海南雞，油飯等。甜品方面，有椰汁布甸，珍多冰等等。而飲品都唔輸蝕喎，有香茅水，泰式奶茶，泰式奶綠等等整體 食物味道中上，餐廳種類繁多，飲品有幾個櫃，真係食唔停口。 環境寬敞舒適，餐廳有泰國氛圍，唯一可惜係邊爐上邊盞燈打左個影出嚟。 服務態度正常，職員數目多，反應快，著泰國特色服飾。   Rating： 懶惰鼠😻😻😻😻懶惰