孖啡 (已結業)

同朋友想揾間cafe坐下傾計，就揾到呢間孖啡！一入餐廳裝修有啲中古風，安排咗sofa位坐！旁邊有鐘仔可以揾職員！餐廳都有幾多選擇，今次就揀咗香蒜白酒蜆意大利粉同芝士焗吞拿魚天使麵！幾鐘意個白酒蜆意大利粉，蜆飽滿，最重要啲蜆無沙而吞拿魚天使麵夠大份，芝士可以做到拉絲，但味道可以再濃啲~飲品就揀士多啤梨綠茶同百香果綠茶，幾推薦士多啤梨綠茶，甜甜地，都幾飲！百香果咪香濃，配淡淡綠茶，果味較重！cafe比較寧靜，最岩同朋友邊食邊傾，食物質素整體唔錯！