吃吧 (僑建大廈) (已結業)

今次食一間旺角彌敦道嘅樓上西餐性價比幾高地點就一定方便㗎啦環境就都係西餐廳嘅風格，偏暗嘅為主，坐落都舒服，都適合同朋友傾吓偈吃吧招牌拼盤 $138拼盤係用一個木盒上菜，上菜前店員好貼身問使唔使影相拍片，一打開，有仙氣咁，岩曬打卡，入邊有六款小食煙三文魚撻、芒果蝦莎莎配餅乾、火腿配蜜瓜、兩款芝士配梳打餅、枝豆、烚蛋配魚子醬，又甜又鹹，有好多款式，味道都幾好烤西班牙豬肋骨 $188烤西班牙豬肋骨嘅外皮烤得好香脆，入口即化，肋骨肉質又嫩又多汁，烤既時間岩岩好，好易離骨，食都方便啲，配上香料嘅調味，真係令人食指大動！慢煮甜酒薈和牛面頰 $188慢煮甜酒薈和牛面頰，肉質極為軟嫩，加上濃郁嘅甜酒薈汁，口感更加豐富，牛面頰下面仲有薯蓉，都幾滑，撈埋啲汁食都好好食。蜜桃熱情果梳打 $48蜜桃熱情果梳打非常清新，口感帶有微微的果香，十分適合夏天飲用，佢有仲一枝針筒既糖漿，自己想要幾甜就自己落幾多。焦糖蜂蜜奶昔 $68焦糖蜂蜜奶昔則是一款滑順可口的甜品，以蜜糖和焦糖調味，鍾意飲甜嘢嘅一定啱飲，杯嘅你都好靚好啱打卡，個面有好多爆谷。總結嘢食同嘢飲幾樣都好食，樣亦都靚靚地，打下卡又得，久唔久我都會再番黎食吃吧