Doux (已結業)

今日李老闆帶我到旺角樓上呢間西餐廳慶祝生日。首先點個小食先：黑松露薯條🍟薯條即叫即炸，炸得極為香脆，仲配黑松露醬汁，超正！Main course我就揀左呢度既Signature：西西里島開邊龍蝦意粉🍝呢道菜影相呃like真係一流！龍蝦肉好彈牙，不過食落有d麻煩😅而蕃茄汁既意粉食落特別開胃，意粉既質感軟硬亦適中！另外我地仲揀左個steak！食牛肉，我地多數都會揀medium或者medium rare，超怕佢會overcook！所以呢塊牛切開既時候仲係粉紅色架！肉味雖然濃郁，但唔知點解仲係有d「鞋」，咬到有d攰。最後既生日甜品，我就揀左我最愛既桃🍑：Ruby Peach!! 粉紅波波旁邊仲有d食用花同「扮泥」既餅碎，擺碟超靚😍😍一切開個粉紅波波個脆皮，入面既桃汁即刻流出黎，視覺效果極好！peach既mousse好幼滑，酸酸甜甜，口感好清新好fresh！我中意呢個甜點👍🏻👍🏻呢度既前菜同甜品都幾好，不過main course就有待改善。