影片
更多
2022-06-26
29 浏览
旺角朗豪坊隱世韓燒達人 - LAB10同朋友行開旺角，咁熱緊係行商場啦 ! 呢次我地去左朗豪坊行，由頂層行落黎，行行下俾一陣香味吸引到，咁岩晚餐時間又肚餓，就決定去散發住呢陣香味既餐廳 - lab10 試下先 ! Lab 10既店面以實驗室玻璃瓶放係鐵架上佈置，新潮及獨特既裝修風格吸引左唔少人入去幫襯架啦。Lab 10一向主打無煙韓燒，食完都唔洗擔心全身油煙味，特別啱晒各位女士！Lab 10而家做緊最平$278放題任食90分鐘(未計加一)！客人可食盡11款精選牛部位，包括厚切牛舌、安格斯牛板腱、牛肩肉、西冷、梨汁牛五花等等。除左牛肉外，餐廳更提供豬肉，如韓式豬五花、秘製豬肋骨、柚子豬頸肉，雞肉如青檸燒雞扒、韓式醬燒雞腎，海鮮包括虎蝦、廣島蠔、燒魷魚等，選擇多籮籮架！如果太肚餓又未燒好d肉，其實都可以先食熟食架。如網紙蝦春卷、韓式豆腐湯、沙律、紫菜醬油飯等。果餐都包埋多款口味既水果梳打及汽水任飲，仲有任食甜品棉花糖同布朗尼 ! 綜合CK食左咁多款食物，重點推介幾款必叫食物俾大家 : 1. 牛仔骨，好juicy2. 梨汁牛五花個醃醬好香，薄薄一片片好易熟3. 紫菜醬油飯，真係要特別推介，蛋
同朋友行開旺角，咁熱緊係行商場啦 ! 呢次我地去左朗豪坊行，由頂層行落黎，行行下俾一陣香味吸引到，咁岩晚餐時間又肚餓，就決定去散發住呢陣香味既餐廳 - lab10 試下先 !
Lab 10既店面以實驗室玻璃瓶放係鐵架上佈置，新潮及獨特既裝修風格吸引左唔少人入去幫襯架啦。Lab 10一向主打無煙韓燒，食完都唔洗擔心全身油煙味，特別啱晒各位女士！
Lab 10而家做緊最平$278放題任食90分鐘(未計加一)！客人可食盡11款精選牛部位，包括厚切牛舌、安格斯牛板腱、牛肩肉、西冷、梨汁牛五花等等。除左牛肉外，餐廳更提供豬肉，如韓式豬五花、秘製豬肋骨、柚子豬頸肉，雞肉如青檸燒雞扒、韓式醬燒雞腎，海鮮包括虎蝦、廣島蠔、燒魷魚等，選擇多籮籮架！
如果太肚餓又未燒好d肉，其實都可以先食熟食架。如網紙蝦春卷、韓式豆腐湯、沙律、紫菜醬油飯等。果餐都包埋多款口味既水果梳打及汽水任飲，仲有任食甜品棉花糖同布朗尼 !
綜合CK食左咁多款食物，重點推介幾款必叫食物俾大家 :
1. 牛仔骨，好juicy
2. 梨汁牛五花個醃醬好香，薄薄一片片好易熟
3. 紫菜醬油飯，真係要特別推介，蛋黃+醬油拌飯，再用紫菜包黎食，超好味既韓式家常菜，簡單好味!!
如果都係無咩頭緒，可以搵資深店員ricky介紹番幾款時令食物俾大家架，CK我都係聽佢超級詳細及耐心既介紹先試到咁多必食食物架咋 !
Lab 10 @lab10hk
地址 : 旺角亞皆老街8號朗豪坊10樓26號舖
電話 : 24786388
營業時間 : 星期一至日 12:00 PM - 10:00 PM
张贴
