火車頭越南餐室 (朗豪坊)

营业中

休息中

去了旺角朗豪坊去八掛下chiikawa 拉麵店，點知超多人，就落去平台搵嘢食。 見有間越南餐廳坐得舒舒服服，又唔晒等位就入去。叫咗火車頭最有名嘅火車頭河粉，入面有火車頭所有主要材料喺裏面，肉丸、蘿蔔、牛雜都比較清甜爽口。味道比較清淡，適合大魚大肉幾日後，用來調整一下身體的食物。 越南河內出名鮮蕃茄牛腩麵，蕃茄味道濃郁，湯底好清甜。牛腩整到好腍易入口。整碗麵都係比較清，麵的口感似食雲吞粉麵個麵底感覺，麥味較重。我最喜歡食呢個大蝦柚子沙律，佢將一嚿嚿柚子撕開到一粒粒。每啖入口，都食到非常多柚子, 夾埋蝦肉混柚子，食落好清新開胃。粉紅玫瑰雜莓綠茶，奇異果味超濃、帶點玫瑰花的香味，再加埋綠茶做底。超膩還可以增加維他命C, 健康之選。