HAND3AG (朗豪坊) (已結業)

返工好多時忙起上嚟就會想是但食舊三文治就算，不過市面上多數三文治都凍冰冰，食落去唔滿足，今次我哋嚟到旺角朗豪坊B2呢間食創新鐵板三文治嘅餐廳，試下佢哋玩味十足嘅三文治先☺️⁣     魷魚圈🦑即叫即炸嘅魷魚圈炸得啱啱好，炸粉唔會太厚，唔會甩皮甩骨，點埋少少辣嘅醬汁一齊食好過癮☺️⁣     芝士辣肉醬薯條🍟薯條炸得幾香口，加埋牛油果辣肉醬同芝士就更加唔惹味😍⁣     蝦兵蟹將鐵板三文治 + 遊日懶人鐵板三文治🥪兩個三文治嘅包都好出色，麵包好軟熟，食落好有牛油香。餡料方面，蝦兵蟹將鐵板三文治嘅組合好特別，有木瓜沙律、炸軟殼蟹同炸蝦餅，食落口感好豐富。而遊日懶人鐵板三文治就有漢堡扒同埋帆立貝，又加入咗新鮮生菜，中和返油膩感，食落非常滿足！