天心 (已結業)

原來旺角The Forest有間咁正嘅日本餐廳😱唔係朋友講我知，平時都真係miss咗，呢度仲係申子嘅姊妹店啊。天心就喺The forest嘅一樓，下午主打鮟鱇魚拉麵，晚上就以火鍋為主🇯🇵店舖好大，木系裝修，一入到去就見到天花掛住色彩繽紛嘅紙傘，好靚✨加上部份位置有玻璃窗，採光度唔錯，整體都好舒服🏮鮟鱇魚肝湯拉麵🍜出面少見有呢款湯底，入口十分濃厚，另外仲有一小碗鮟鱇魚肝+魚子，可以再自行調味。最正係會配埋珍珠米飯，食完拉麵之後。可以將飯加落湯做湯飯。又係另一種滋味🥰塩味湯拉麵配A4和牛，湯底清而不淡，有荀/菠菜等配料，拉麵好煙韌彈牙，和牛亦十分軟嫩🐂配上一小碗和牛飯，配以醬油同洋蔥，惹味👍🏻除咗A4和牛，仲有無激素雞肉/極級牛肩胛或者鮟鱇魚肝可以揀。除咗拉麵，仲有其他日式小食甜品，我哋都叫咗四款串揚兩款甜品😋豚肉配清新紫蘇葉，雞肉鮮嫩有肉汁，炸嘅大根都幾特別，廣島蠔就大隻飽滿。芝士奶油夾心餅，朱古力味唔會太甜，開心果味夠濃郁，中間仲有麻糬，口感豐富，餡料凍凍地有食雪糕嘅感覺🙌🏻