Dark Leaf Cafe & Lounge

营业中

休息中

有日出旺角食野，去左彌敦道726個棟大廈睇下有咩好食，㩒錯𨋢發現到呢間餐廳，😂比佢個誇張嘅黃澄澄招牌吸引左入去😆醬爆魷魚（$78）魷魚🦑爽口彈牙，每條都均勻地沾滿特調醬汁，醬汁幾惹味，但偏甜左少少🤏🏻，佐酒一流！😎水牛城雞翼（$78）單骨雞翼方便食，😆佢唔同坊間歇食開嘅水牛城雞翼咁，將醬料淋係面，而係用個醬醃完先去焗，乾身得黎，夠晒香口入味！🤤⭐️推薦❗蒜香大蝦帶子明太子意粉（$158）份量幾足料，兩個人share都夠～☺️大蝦和帶子都好大隻，😍好欣賞大蝦無雪味，肉係爽彈嘅！帶子煎得啱啱唔會太dry，明太子醬汁夠香濃，又唔會太鹹，食多都唔會覺得膩。👍🏻餐廳有個好正嘅大屏幕，啱晒一大班朋友上去睇波飲酒傾下計，😎除咗classic cocktails外，仲有以茶為主題嘅signature cocktails～都係比較清香易入口。香莓茉莉Jasmine（$98）基酒用左Jasmine Infused Gin，加左berry liquor，入口酸香，幾開胃。荔枝煎茶Sencha （$98）基酒以Japanese Ryokucha Infused Vodka，加左荔枝味嘅Liquor，味道微甜清新。