樂天大喜屋 (已結業)

旺角放題有好多間，但我最鐘意都係樂天大喜屋，因為性價比真係超高，午時放題仲要可以12點食到3點，仲包埋酒水任飲，真係勁岩同fd 子chill一chill！冷盤有多款選擇，大愛拍青瓜同韓國正宗泡菜。刺身推介：極品大赤蝦（滿滿膠質），三文魚（肥美），赤貝（爽口），帶子（肥厚鮮甜）壽司推介：花之戀（是常識吧）鹽燒左口魚邊（油脂感重，入口即溶）芝士火炙蟹棒（啖啖蟹肉）黑松露赤蝦拖羅蓉魚生塔（入口即溶既拖羅）鰻魚玉子燒（玉子厚身帶甜，配埋鰻魚同芝士令到口感好豐富）仲有西京燒好有驚喜，肉質嫩滑又少骨，一定要試。埋單每人只係$200左右，食足三個鐘真係滿足到癲！