樂天大喜屋 (已結業)

可能最近工作太忙，成日一日食一兩餐，所以一到晚上放工之後就會特別肚餓啊，我見到自己最近瘦咗好多，所以決定呢排多啲食下放題，一來可以增肥，二來又可以有好多選擇，想食乜就食乜。今次就嚟到依家喺旺角嘅樂天大喜屋日本料理放題，法國唔係好多任食放題有海膽食，所以淨係海膽手卷都點左好幾個，然後刺身壽司嗰啲都一定唔少得，特別推介係佢哋有花膠食，個花膠真係一碗裏邊有好幾塊，我叫咗幾碗食，覺得呢款值得食，然後今次試咗佢哋嘅蒸魚，魚肉好新鮮，冇乜骨。最後一定唔少得我最鍾意食嘅甜品之一 ——炸紫薯波波，另外出去拎左一啲蜆、蝦、生果、飲品等等⋯⋯