八幡屋涮涮鍋 (已結業)

呢間位於旺角嘅八幡屋涮涮鍋好抵，一個價錢食到和牛，海鮮，仲有刺身同埋多款日式料理添。依家仲做緊優惠只要經社交平台訂座食C3餐，就有買一送一 ，午市仲可升級至3小時，而訂座後午市同晚市都會送每人一隻鮑魚。呢度採用QR code落單，佢哋除咗涮涮鍋之外仲有好多嘢食，好似炸物、刺身、串燒等等，炸物中嘅炸饅頭算係人氣最高，見好多檯都會有一碟，炸得好香脆，蘸埋香甜嘅煉奶咁就更好味。而刺身嘅珍寶帶子不得不提，size夠哂大之餘仲要鮮甜之極，口感爽彈。佢哋出面仲有自助區，放咗甜品同壽司嘅雪櫃，甜品種類繁多，除咗雪糕雪條外，最開心係有泡夫、Mochi、奶凍等，令人目不暇給，都唔知食邊樣先好。