御滿屋日本料理

营业中

休息中

今日約左朋友去旺角食飯，但諗唔到食咩，見到御滿屋多好評就同朋友去試下喇！佢有A至D組合比我地揀，見到A組合都已經咁多款食物，我地就揀左A啦。一行入去就已經見到自助嘅熱盤，冷盤區同甜品區，即刻搞到我流晒口水！而家轉左掃 QR Code落單更方便，有好多壽司、熱盤、炸物、燒物同埋刺身，真係應有盡有！食材都好新鮮，上菜又夠快！其中仲有兩款熱盤好特別：禦品鮑汁燉花膠同埋小龍蝦！壽司必食火炙左口魚同三文魚。冷盤估唔到有麻辣魚皮，好爽口同埋夠晒辣，好開胃，食到停唔到，必試。食食下口渴出去自助飲品區，飲品選擇都多，連清酒梅酒都有得任飲，啱晒啲鍾意品嚐日本酒嘅人。